Qazaqstan Respýblıkasy Úkimetiniń qaýlysy  №1449

2014 jylǵy 31 jeltoqsan,  Astana, Úkimet Úıi Bógetterdiń qaýipsizdigi salasyndaǵy jumystardy júrgizý quqyǵyna attestalatyn uıymdarǵa qoıylatyn talaptardy bekitý týraly 2003 jylǵy 9 shildedegi Qazaqstan Respýblıkasy Sý kodeksiniń 36-babynyń 19-2) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Bógetterdiń qaýipsizdigi salasyndaǵy jumystardy júrgizý quqyǵyna attestattalatyn uıymdarǵa qoıylatyn talaptar bekitilsin. 2. Osy qaýly 2015 jylǵy 1 qańtardan bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2014 jylǵy 31 jeltoqsandaǵy № 1449 qaýlysymen bekitilgen Bógetterdiń qaýipsizdigi salasyndaǵy jumystardy júrgizý quqyǵyna attestattalatyn uıymdarǵa qoıylatyn talaptar 1. Paıdalanýǵa berilgen keminde I klasty eki bóget, (nemese) II klasty bes bóget, (nemese) III klasty on bóget qurylysynyń jobalaryn ázirleý, sondaı-aq, gıdrotehnıkalyq qurylystardy jobalaý, salý, jóndeý jáne rekonstrýksııalaý, paıdalaný jumystarynda tájirıbeniń bolýy. 2. Shtatta tehnıkalyq ǵylymdar (gıdrotehnıkalyq qurylystardy salý jáne paıdalaný, gıdrogeologııa, geodezııa, geologııa, gıdrologııa, gıdromelıorasııa), aýylsharýashylyq ǵylymdary (sý resýrstary jáne sýdy paıdalaný), jaratylystaný ǵylymdary (gıdrologııa) salasynda joǵarǵy kásibı bilimi bar, sondaı-aq gıdrotehnıkalyq qurylystardy salý, jóndeý jáne rekonstrýksııalaý, paıdalaný salasyndaǵy attestattary, sertıfıkattary, 3 jyldan kem emes eńbek ótili bar salaaralyq mamandardyń bolýy. 3. Bógetterdi jobalaý, salý jáne paıdalaný salasyndaǵy normatıvtik- tehnıkalyq qujattamanyń (QR QNjE 3.04-01-2008 «Gıdrotehnıkalyq qurylystar. Jobalaýdyń negizgi erejeleri», QR QNjE 3.04-02-2008 «Topyraqty materıaldardan turatyn bógetter», QR QNjE 3.04-03-2008 «Betondy jáne temirbetondy bógetter»), sondaı-aq bógetterdiń qaýipsizdigi salasynda saraptama ótkizýdi reglamentteıtin basqa da qujattardyń bolýy.